Fransanın cənub-qərbində baş verən meşə yanğını Arkaşon körfəzi ətrafını bürüyərək regiondakı Bordo aqlomerasiyasına yaxınlaşır.
Bu isə Bordodakı hərbi sənaye müəssisələri üçün ciddi təhlükədir. Belə ki, həmin ərazidə Fransanın müdafiə sənayesi üçün mühüm əhəmiyyət daşıyan müəssisələr - “Safran”, “Thales”, “Dassault” və “ArianeGroup” şirkətlərinin obyektləri yerləşir.
"ArianeGroup”un Bordodakı müəssisələri arasında M51 ballistik raketləri üçün yanacaq istehsal edən zavod, “Ariane 6” daşıyıcı raketi üçün mühərrik istehsal edən müəssisə, eləcə də Avropanın raket və silah istehsalçısı MBDA üçün raket mühərrik sistemləri istehsal edən törəmə şirkəti “Roxel France” da var.
Bu obyektlərin təhlükəsizliyinin təmin olunması üçün Fransa Silahlı Qüvvələr Nazirliyi əlavə qüvvə və vasitələr ayırıb. Ancaq ölkə mediası bildirir ki, bütün tədbirlərə baxmayaraq təhlükə getdikcə böyüyür.
