Rusiyanın Kiyevə endirdiyi növbəti raket zərbələri zamanı Azərbaycanın Ukraynadakı səfirliyinin inzibati binasına ziyan dəyib.
Məlumata görə, səfirlikdən təxminən 200-250 metr məsafədə, "Lukyanovka" metro stansiyasının yaxınlığına raket düşüb. Partlayışın təsiri nəticəsində səfirlik binasının şüşələri sınıb, tavanda isə çatlar əmələ gəlib.
Hadisə zamanı səfirliyin əməkdaşları arasında xəsarət alan olmayıb.
Qeyd edək ki, Rusiya-Ukrayna müharibəsi dövründə Kiyevə edilən hava hücumları zamanı Azərbaycanın Ukraynadakı səfirliyinin binası bir neçə dəfə zərər görüb.
