İran ABŞ-ı ölkənin cənub bölgələrinə zərbələr endirməkdə ittiham edib.
Bu barədə İran Xarici İşlər Nazirliyi bəyanat yayıb.
Bəyanatda Vaşinqtonun addımlarının beynəlxalq hüququ və İranın suverenliyini pozduğu iddia edilib.
Tehran bildirib ki, ABŞ-ın hücumlarına cavab olaraq İran silahlı qüvvələri regiondakı Amerika hədəflərinə zərbələr endirib. İran tərəfi bu addımların özünümüdafiə hüququ çərçivəsində atıldığını vurğulayıb.
Bəyanatda region ölkələrinə də müraciət edilərək onların ərazilərinin və infrastrukturunun ABŞ və İsrail tərəfindən İrana qarşı əməliyyatlar üçün istifadəsinə icazə verməməsi istənilib.
Tehran BMT Təhlükəsizlik Şurasını münaqişənin gərginləşməsinə görə məsul hesab etdiyi tərəflərlə bağlı addım atmağa çağırıb.
