ABŞ-ın Talladega şəhərindəki yarış trekində keçirilən "NASCAR Cup Series" yarışının 115-ci dövrəsində böyük qəza baş verib.
Insidentə Ross Çesteyn və həmin vaxt liderlik edən Bubba Uollesin maşınları arasındakı təmas səbəb olub. Nəticədə avtomobil fırlanıb və daha sonra sıx bir qrup yarışçı ilə toqquşub. Bu, çempionatın bir neçə aparıcı komandasının da daxil olduğu 27-yə qədər maşının iştirak etdiyi zəncirvari reaksiya ilə nəticələnib.
Toqquşma nəticəsində trasın üzərində qatı tüstü buludu yaranıb. Yarış zolağının təmizlənməsi və zədələnmiş avtomobillərin texniki vəziyyətinin qiymətləndirilməsi üçün yürüş dayandırılıb.
Təşkilatçıların sözlərinə görə, heç kim ciddi xəsarət almayıb.
Təmizlik işləri başa çatdıqdan və trasın vəziyyəti yoxlanıldıqdan sonra yarış bərpa edilib. Mərhələnin qalibi Kris Buşer və Aleks Boumanı qabaqlayaraq finişə çatan Karson Hosevar olub.
