“Ukraynadakı vəziyyətin həllinin ən qısa yolu ABŞ və NATO ölkələri tərəfindən Kiyevə silah tədarükünün dayandırılmasıdır”.
Bunu Rusiya xarici işlər nazirinin müavini Sergey Ryabkov deyib.
Onun sözlərinə görə, Rusiya dəfələrlə Vaşinqtona Ukraynaya hərbi-texniki yardımın azaldılması zərurəti ilə bağlı mövqeyini çatdırıb. Bu, həm silah tədarükünə, həm də əlaqəli dəstəyə aiddir.
Ryabkov qeyd edib ki, bu cür siqnallar Amerika tərəfinə müntəzəm olaraq göndərilir, lakin hələlik gözlənilən nəticələr əldə olunmayıb.
O vurğulayıb ki, xarici hərbi dəstəyin dayandırılması gərginliyin azaldılması və mövcud böhranın həlli üçün əsas şərt hesab olunur.
