ABŞ-ın İrana qarşı başlatdığı hərbi əməliyyatlar fonunda Pentaqonun illərdir topladığı sursat ehtiyatlarının tükəndiyi iddia edilir.
Bu barədə "Financial Times" qəzeti mənbələrə istinadən məlumat yayıb.
Bildirilir ki, tükənən arsenal siyahısında xüsusilə strateji əhəmiyyətli "Tomahawk" qanadlı raketləri üstünlük təşkil edir. Mənbə bildirib ki, bu raketlərin istehsalı böyük xərclər tələb edir və ABŞ Hərbi Dəniz Qüvvələri bunun fəsadlarını hələ illərlə hiss edəcək.
Qeyd olunur ki, hərbi xərclərin artırılması ABŞ administrasiyasına təzyiqi artıracaq, çünki İsraillə birgə İrana qarşı həyata keçirilən hərbi əməliyyatlar səbəbindən Hörmüz boğazında gəmilərin hərəkəti çətinləşib və bununla da dünya bazarında neftin qiyməti bir barrel üçün 100 dollardan yuxarı qalxıb.
Mənbə vurğulayıb ki, Pentaqonun yaxın günlərdə müdafiə ehtiyacları üçün Ağ Ev və Konqresdən 50 milyard dollar məbləğində əlavə vəsait tələb edəcəyi gözlənilir. ABŞ senatoru Liza Murkovski bildirib ki, Pentaqon bu xərcləri əsaslandırmalıdır, çünki Konqresdə əlavə maliyyələşmə ilə bağlı ciddi fikir ayrılıqları yarana bilər.
ABŞ ordusunun yaxın günlərdə sərf olunan sursatın dəyəri barədə Konqresə məlumat verəcək.
