28 fevralda 6 planetin nadir düzülüşü müşahidə olunacaq.
Bu barədə NASA məlumat yayıb.
Bildirilib ki, paradda Mərkuri, Venera, Yupiter, Saturn, Uran və Neptun kimi planetlər iştirak edəcək.
Hadisəni gözlə müşahidə etmək mümkündür, lakin bütün planetlər eyni dərəcədə aydın görünməyəcək. Dörd planet – Mərkuri, Venera, Mars və Yupiter xüsusi cihaz olmadan görünəcək. Uran və Neptuna baxmaq üçün binokl və ya teleskop lazım olacaq. Mərkuri isə üfüqə yaxın mövqedə olduğu üçün bəzən çətin görünə bilər.
Astronomlar müşahidəyə gün batdıqdan təxminən 30 dəqiqə sonra, qərb istiqamətinə baxaraq başlamağı tövsiyə edirlər. Müşahidə üçün açıq üfüq və aydın hava vacibdir.
Hadisə 28 fevrala təsadüf etsə də, optimal müşahidə tarixi şəhərdən asılı olaraq fərqlənə bilər. Məsələn, Afina, Nyu-York, Tokiyo və Mexiko şəhərlərində ən yaxşı vaxt 28 fevral olacaq, Berlində, Londonda və Pekində isə müşahidə üçün 1 mart daha uyğundur.
