ABŞ Ədliyyə Nazirliyinin Ceffri Epşteyn işi ilə bağlı sənədləri açıqlaması İsrailin kriptovalyuta bazarına nəzarət fərziyyələri yaradıb.
Bu iddianı "SwanDesk" platformasının baş direktoru Ceykob Kinq sosial mediada bildirib.
Onun sözlərinə görə, dərc olunmuş sənədlərdə Epşteyn ilə yapon sahibkarı Joiçi İto arasında yazışmalar yer alıb. Deyib ki, yazışmalarda İsrail tərəfindən gizli şəkildə pul və hədiyyələr aldığı iddia edilən ayrı-ayrı "Bitcoin Core" inkişaf etdiricilərinin maliyyələşdirilməsi müzakirə olunub.
Kinqə görə, İsrail Epşteynlə birgə hərəkət edib və "Blockstream"ə investisiya qoyub. O iddia edib ki, bu şirkət "Tether" stabilkoinin emitenti ilə əməkdaşlıq edib və kriptovalyuta bazarına əhəmiyyətli təsir göstərib. Vurğulayıb ki, dövlət "Bitcoin" tərtibatçılarının təxminən 60%-nin maaşını ödəyib.
Kinq düşünür ki, "Blockstream"də iştirak ona aktivlərlə təmin olunmayan stabilkoinlər buraxmaqla kriptovalyutaların qiymətinə təsir göstərməyə, eləcə də əsas inkişaf etdiricilərin işə götürülməsi və qovşaqların əhəmiyyətli bir hissəsinə sahib olmaq yolu ilə "Bitcoin" şəbəkəsinin inkişafını idarə etməyə imkan verib.
