İnsan alverində ittiham olunan maliyyəçi Ceffri Epşteynin ictimaiyyətə açıqlanan sənədləri arasında onun Fransa Prezidenti Emmanuel Makron barədə şəxsi mülahizələrini bölüşdüyü yazışmalar aşkar edilib.
Epşteyn Fransa liderinin şəxsiyyəti haqqında öz qiymətləndirməsinə əsaslanaraq, Makronun şillələnməkdən zövq ala biləcəyini ehtimal edib.
Epşteynin 26 may 2019-cu il tarixində anonim şəxsə ünvanladığı elektron məktubda deyilir:
"Mənə dedilər ki, millətçilərin fəaliyyət sahəsi genişlənəcək, lakin nüfuzları o qədər də artmayacaq?".
Növbəti mesajında isə o, maraqlı bir qeyd əlavə edib:
"Mənim alman mənbələrim deyir ki, bu, Makron üçün bir şillə kimi oldu. Lakin onu tanıdığım qədər deyə bilərəm ki, yəqin ki, bu, hətta onun xoşuna gəlib".
Yanvarın 15-də Emmanuel Makronun hərbçilər qarşısında sağ gözünün qızarmış və iltihablı vəziyyətdə görünməsi suallar doğurmuşdu. Bir gün sonra prezident gözündə yaranan problemlərə görə bir müddət günəş eynəyi taxmaq məcburiyyətində olduğunu açıqlayıb.
"Daily Mail" qəzeti londonlu cərrah-oftalmoloq Mfazo Houvun rəyinə istinadla yazıb ki, Makronun göz nahiyəsindəki hematoma (qan sızması) üzə dəyən zərbənin nəticəsi ola bilər və ya öz-özünə yarana bilər.
Xatırladaq ki, Epşteynin gizli sənədlərində Emmanuel Makronun adı ümumilikdə 200-dən çox yerdə qeyd olunub.
