ABŞ Prezidenti Donald Trampın administrasiyası 2026-cı ilin sonuna qədər Kuba prezidentini devirmək üçünhərəkətə keçib. Belə ki, Kuba hökuməti daxilində "köməkçi"lər axtarılır.
Bu barədə "The Wall Street Journal" mənbələrə istinadən məlumat yayıb.
Nəşr qeyd edir ki, Kuba hökuməti daxilində axtarış Venesuela prezidenti Nikolas Maduronun devrilməsindən sonra başlayıb.
Mənbələr iddia edir ki, ABŞ administrasiyası Kuba iqtisadiyyatını "çökməyə yaxın" kimi qiymətləndirir və ölkə hökuməti Maduroda həyati əhəmiyyətli müttəfiqini itirdikdən sonra heç vaxt "bu qədər kövrək" olmayıb.
