İsrail və ABŞ-ın Qəzza zolağında atəşkəs razılaşmasının ikinci mərhələsinə keçmək üçün razılığa gəldiyi iddia edilir.
Bu barədə İsrailin “KAN” telekanalı məlumat yayıb.
Bildirilib ki, bu razılaşma Təl-Əvivin gecikdirmə taktikası səbəbindən yaranan son çıxılmaz vəziyyətin aradan qaldırılması deməkdir.
İddiaya görə, ikinci mərhələ İsrailin tezliklə Rəfah Sərhəd Keçid Məntəqəsini açmağa hazırlaşmasını və nə HƏMAS-ın, nə də İsrail ordusunun iştirak edəcəyi Rəfah ərazisində yeni bir şəhər üçün hazırlıqların davam etdirilməsini əhatə edir.
“KAN”a danışan mənbələr HƏMAS-ın İsrail tərəfində bu mərhələdə çeviklik göstərmək və müəyyən güzəştlərə getmək meylini müşahidə etdiyini bildiriblər.
