Avropa Həmrəyliyi Partiyasının lideri, keçmiş prezident Pyotr Poroşenko hazırkı prezident Vladimir Zelenskini vəzifəsindən kənarlaşdırmaqla nəzəri cəhətdən yenidən prezident kürsüsünə sahib ola bilər.
Bunu politoloq Dmitri Juravlyev Lentar.ru ilə söhbətində deyib. Bununla belə, o, Poroşenkonun lazımi resurslara malik olub-olmadığını sual altına qoyub.
"Əlbəttə, Poroşenkonun belə bir istəyi var. Amma onun qabiliyyətinin olub-olmadığını demək çətindir. Təbii ki, Qərb ona qalib gəlməyə kömək edə bilər, amma onlara təkbaşına heç nəyə qadir olmayan bir insan lazımdırmı? Poroşenkonun ABŞ Demokratik Partiyası ilə çox yaxşı əlaqələri var, amma bu, kifayət qədərdirmi?", - politoloq bildirib.
Buna baxmayaraq, o, Poroşenkonun yüksək posta yeganə namizəd kimi görünəcəyi zamanın gələ biləcəyini istisna etməyib. O, həmçinin qeyd edib ki, keçmiş prezident müəyyən qədər xalq dəstəyinə malikdir.
"Axı onun dövründə işlər indikindən yaxşı idi - insanların əməl etdiyi məntiq belədir. Onun bütün səhvlərinə və açıq-aşkar korrupsiyasına baxmayaraq, yenə də Zelenskinin dövründəkindən az idi. Həyat bir növ asan idi, müharibə yox idi. Ancaq Poroşenko, əlbəttə ki, Rusiya ilə münasibətləri yaxşılaşdırmayacaq. Zelenskinin belə imkanı var idi, özü də sələfindən qat-qat çox. Amma alınmadı", - ekspert əlavə edib.
Bundan əvvəl “Ukrainskya Pravda” nəşri yazıb ki, Ukrayna prezidenti Vladimir Zelenskinin yaxın ətrafı ona korrupsiya qalmaqalı ilə bağlı prezident administrasiyasının rəhbəri Andrey Yermakı işdən çıxarmağı məsləhət görür. Poroşenkonun partiyası da bunu tələb edir.
