"United Aircraft" şirkətinin istehsalı olan "Boying T1400 Tandem Rotor" pilotsuz helikopteri Çinin şimal-şərqində yerləşən Xeylunczyan vilayətinin Harbin şəhərində ilk sınaq uçuşunu uğurla həyata keçirib.
Bu barədə Çin agentliyi "Xinhua" məlumat yayıb.
Helikopterin maksimal qalxma çəkisi 1400 kiloqramdır. Uçuş müddəti 8 saata qədər, maksimal uçuş hündürlüyü 6500 metr, maksimal sürəti isə saatda 180 kilometrdir.
İki mühərrikli və yüksək möhkəmliyə malik kompozit konstruksiyası sayəsində "T1400" böyük yükdaşıma qabiliyyətinə və geniş daxili quruluşa malikdir. Ağıllı idarəetmə funksiyaları ilə bu helikopter kənd təsərrüfatı, logistik daşımalar və meşə yanğınlarının qarşısının alınması kimi sahələrdə geniş tətbiq potensialı nümayiş etdirir.
