ABŞ Pekinə güc nümayiş etdirmək üçün Cənubi Çin dənizində HIMARS raket sistemindən istifadə edərək dəqiq zərbə endirə bilər.
Bu barədə “CBS News” mənbələrə istinadən məlumat verib.
Kanalın məlumatına görə, ABŞ Hind-Sakit Okean Komandanlığı bu həftə Cənubi Çin dənizində Çin təcavüzünə cavab olaraq səssizcə güc nümayişi əmri verib.
Kanal qeyd edir ki, əgər raket buraxılışı həyata keçirilərsə, HIMARS-ın hansı hədəfə yönələcəyi bəlli deyil. Lakin əməliyyatın mahiyyəti Vaşinqtonun Pekinin bölgədəki artan iştirakına qarşı çıxmağa və ABŞ rəsmilərinin Filippin suverenliyi adlandırdığı şeyi müdafiə etməyə hazır olduğunu bildirməsidir.
CBS News qeyd edir ki, mümkün zərbənin vaxtı məlum deyil. Onun Skarboro rifi yaxınlığında baş tutacağı gözlənilir.
