“Konstitusiya və Suverenlik İli” çərçivəsində ümummilli lider Heydər Əliyevin irsinin təbliği məqsədilə silsilə tədbirlər davam etdirilir.
11 iyul 2025-ci il tarixində Zaqatala rayon Heydər Əliyev Mərkəzində “Əbədi iftixar mənbəyi” adlı tədbir təşkil olunub. Tədbirdə mərkəzin əməkdaşları tərəfindən iştirakçılara ekskursiya təşkil edilib, ümummilli lider Heydər Əliyevin şərəfli həyat yolu, ölkəmizin inkişafı naminə göstərdiyi xidmətləri əks etdirən fotoşəkillər və kitablar barədə ətraflı məlumat verilib.
Daha sonra mərkəzin əməkdaşı “Əbədi iftixar mənbəyi” mövzusunda məruzə ilə çıxış edib. Qeyd olunub ki, müstəqil Azərbaycanın Konstitusiyası demokratik, hüquqi və dünyəvi dövlət quruculuğunun əsasını qoymaqla yanaşı, hakimiyyət bölgüsünün prinsiplərini müəyyənləşdirərək ölkənin inkişafına güclü təkan verib.
Tədbirin sonunda Ulu Öndər Heydər Əliyevin həyat və fəaliyyətindən bəhs edən film nümayiş etdirilib.
