18 iyul 2025-ci il tarixində Qəbələ rayon Tarix-Diyarşünaslıq Muzeyinin təşkilatçılığı ilə Azərbaycan milli mətbuatının 150 illiyinə həsr olunmuş “Əkinçi – tərəqqiyə ilk addımlar” adlı tədbir keçirilib. Tədbirdə yerli mətbuat nümayəndələri, dövlət qurumlarının əməkdaşları və ictimaiyyət iştirak edibdir.
Tədbir şəhid media nümayəndələrinin xatirəsinin bir dəqiqəlik sükutla yad edilməsi ilə başlanmış, çıxışlarda “Əkinçi” qəzetinin milli oyanış və maarifçilik tarixində rolu vurğulanmışdır. Həmçinin, müstəqillik dövründə mətbuatın inkişafına yönəlmiş dövlət siyasəti barədə məlumat verilib.
Sonda “Əkinçi” qəzetinə dair arxiv materiallarından ibarət videoçarx nümayiş olunub.
