Ermənistan və Azərbaycan sülh müqaviləsinin şərtlərinin razılaşdırılması, habelə müəyyən halların aydınlaşdırılması üçün ikitərəfli məsləhətləşmələr aparırlar.
Bunu Ermənistanın baş naziri Nikol Paşinyan deyib.
“Ermənistan və Azərbaycan arasında sülh və diplomatik münasibətlərin qurulması haqqında saziş layihəsi razılaşdırılıb və bununla bağlı danışıqlar başa çatıb”, - Paşinyan bildirib.
O, digər qonşularla münasibətlərə də toxunub: Türkiyə ilə fəal dialoq, İranla görünməmiş yüksək səviyyədə qarşılıqlı fəaliyyət, Gürcüstanla strateji tərəfdaşlıq əlaqələri qurulub.
