20 Yanvar faciəsinin 35-ci ildönümü ilə əlaqədar İsmayıllı rayonunun Şəhidlər xiyabanı gün ərzində ziyarət olunub.
Ziyarətdə rayonun icra hakimiyyətinin, hüquq-mühafizə orqanlarının rəhbər və əməkdaşları, idarə, müəssisə və təşkilatların kollektivləri, habelə ictimaiyyət nümayəndələri iştirak ediblər. Vətənin azadlığı, suverenliyi və ərazi bütövlüyü uğrunda canlarından keçən, qətlə yetirilən günahsız oğul və qızlarımızın əziz xatirəsi böyük ehtiramla yad olunub.
Tədbirin bədii hissəsi 20 Yanvar şəhidlərinin, eləcə də Azərbaycanın azadlığı və ərazi bütövlüyü uğrunda canından keçmiş Vətən övladlarının əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlayıb.Tədbir ədəbi- bədii kompozisiya ilə davam etdirilib.
Rayon ərazisində saat 12:00-da şəhidlərin xatirəsi bir dəqiqəlik sükutla yad olunaraq, nəqliyyat vasitələrindən səs siqnalları verilib.
Allah bütün şəhidlərimizə rəhmət eləsin.
#20Yanvar #QanlıYanvar #İsmayıllıRİH
