Gəncə şəhəri üzrə ümumtəhsil məktəblərinin IV sinif şagirdlərinin qiymətləndirmə nəticələrinin təhlili mövzusunda görüş keçirilib.
Görüşdə Gəncə-Daşkəsən Regional Təhsil İdarəsinin, Gəncə şəhəri üzrə təhsil sektorunun əməkdaşları, ümumi təhsil məktəblərinin direktorları, təlim - tərbiyə işləri üzrə direktor müavinləri, 2023-2024 və 2024-2025-ci tədris ilində IV sinifdə tədris aparan ibtidai sinif müəllimləri iştirak ediblər.
Görüşdə IV siniflərin monitorinqi üzrə son 3 ilin dinamikası, 2023-2024-cü tədris ilində keçirilən monitorinqin nəticələri, aşağı və yüksək nəticə göstərmiş təhsil müəssisələri barədə məlumat verilib.
Qeyd edək ki, IV siniflərdə monitorinqlərin keçirilməsində əsas məqsəd ibtidai təhsilin sonunda şagirdlərdə müvafiq standartlar üzrə bilik və bacarıqların hansı səviyyədə formalaşdığını, eləcə də problemləri və ehtiyacları müəyyən etmək və onlara uyğun tədbirlər görməkdir.
#GəncəDaşkəsənRTİ #Məktəb #Müəllim
