Seçki Qərargahından verilən məlumata görə sentyabr ayının 1-də Milli Məclisdə keçiriləcək seçkilərdə 89 saylı Seçki Dairəsindən namizədliyi qeydə alınmış Novruzəli Davud oğlu Aslanov ( Novruz Aslan) təbliğat planına uyğun olaraq təbliğatın altıncı gününün ilkgörüşü İsmayıllı rayonunun İvanovka qəsəbəsində oldu. Novruz Aslan görüşə gələn kənd sakinlərini salamladı və öz platformasından danışdı. Vətən müharibəsində, Qisas əməliyyatında və 1 günlük antiterror əməliyyatlarında canlarını fəda edən Şəhidlərimizin və Qazilərimizin keçdiyi şərəfli ömür yolundan və Qalib ölkəmizin regionda və dünyadakı nüfuzundan danışdı. Görüşdə iştirak edən Əməkdar İncəsənət Xadimi Baba Vəziroğlu, yazıçı-jurnalist Xeyrulla Dəniz, yazıçı- jurnalist Yusif Məhəmmədoğlu çıxış edərək Novruz Aslanın İsmayıllı və ölkəmiz üçün xidmətlərindən danışdı. Sonra qəsəbə sakinləri ilə Novruz Aslanın səmimi söhbəti oldu. Qəsəbə sakinləri onları maraqlandıran sualları verərək kəndin qayğılarından danışdılar. Sonda kənd sakinləri çıxış edərək onlara göstərilən diqqətə görə Novruz Aslana təşəkkürlərini bildirdilər. Məlumat üçün bildirək ki, təbliğat kompaniyası avqustun doqquzundan başlayıb bu Novruz Aslanın iyirmi birinci görüşüdür. Novruz Aslanın bu gün üçün ilk görüşüdür və digər kəndlərdə də görüşləri olacaq.
