Azərbaycan Dövlət Aqrar Universiteti (ADAU) Publik Hüquqi Şəxsin Elmi Şurasının 2023/2024-cü il tədris ilinin yekunlarına həsr olunan səyyar iclası Tədris-təcrübə təsərrüfatında keçirilib.
İclasda ADAU-nun rektoru Zəfər Qurbanovun 2023/2024-cü il tədris ilinin yekunu barədə hesabatı dinlənilib.
Daha sonra ali təhsil müəssisəsinin bir qrup əməkdaşı 2023/2024-cü tədris ilində göstərdiyi xüsusi təşəbbüskarlıq, nümunəvilik, verilən tapşırıqların vaxtında və dəqiq yerinə yetirdiyinə görə Fəxri fərmanla təltif olunub.
Həmçinin, yubileyləri münasibətilə bir qrup əməkdaşa Təşəkkürnamə və hədiyyələr təqdim olunub.
Gündəliyə əsasən iclasda 2024/2025-ci tədris ili üçün Elmi Şuranın iş planı təsdiq olunub.
