Respublika Fənn Olimpiadalarının respublika mərhələsinin yarımfinal turu keçirilib
-----
Respublika Fənn Olimpiadalarının respublika mərhələsinin yarımfinal turu keçirilib. Dağlıq Şirvan Regional Təhsil İdarəsi üzrə 3 mərkəzdə keçirilən olimpiadada ümumilikdə 427 nəfər şagird iştirak edib. Dağlıq Şirvan Regional Təhsil İdarəsinin müdiri Rövşən Əliyev olimpiada keçirilən mərkəzlərdə olaraq prosesi yaxından izləyib.
Respublika Fənn Olimpiadalarının yarımfinal turu riyaziyyat, fizika, kimya, biologiya, Azərbaycan dili və ədəbiyyat, coğrafiya və tarix fənni daxil olmaqla 7 fənn üzrə keçirilir.
Qeyd edək ki, Respublika Fənn Olimpiadalarının təşkil edilməsində əsas məqsəd istedadlı şagirdlərin aşkar edilməsi, onlarda fənlərin dərindən öyrənilməsinə marağın artırılması, bilik və bacarığı, eləcə də çalışqanlığı ilə seçilən şagirdlərin qiymətləndirilməsidir.
