2 fevral 2024-ci il tarixində Qobustan rayon İcra Hakimiyyətində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə “2 Fevral-Azərbaycan Gəncləri Günü” münasibətilə gənclərlə silsilə tədbirlər keçirilib.
Tədbir Qobustan rayon İcra Hakimiyyətinin Akt zalında, daha sonra Gənclər evində davam etdirilib. Tədbirdə rayon İcra Hakimiyyəti başçısı Adil Məmmədov, idarə, müəssisə və təşkilatlarda çalışan fəal gənclər, tələbələr və ictimaiyyətin nümayəndələri iştirak edib.
Dövlət himni səsləndirildikdən sonra Ümummilli Lider Heydər Əliyevin və "Vətən müharibəsi"ndə canlarından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun müdiri Qadir Əkbərov rayon gənclərini "2 Fevral- Azərbaycan Gəncləri Günü" münasibətilə təbrik edərək, qobustanlı gənclərin ötən dövr ərzində əldə etdiyi nailiyyətlər barədə ətraflı məlumat verib. Bildirilib ki, əsası Ulu Öndər Heydər Əliyev tərəfindən qoyulan gənclər siyasəti bu gün Prezident İlham Əliyev tərəfindən böyük uğurla davam etdirilir.Qobustan rayon İcra Hakimiyyətinin başçısı Adil Məmmədov çıxışında gənclərə milli-mənəvi dəyərləri hər şeydən üstün tutmağı, hər zaman vətənpərvərlik və vətəndaşlıq mövqeyindən çıxış etməyi tövsiyə edib, gənclərin bundan sonra da ölkəmizin inkişafına, onun daha da qüdrətləndirilməsinə xidmət edəcəklərinə əminliyini bildirib.
Tədbirdə həmçinin müxtəlif sahələrdə çalışan fəal gənclər- Çinarə Abuzərova, İsmayıl Qurbanov, Vətən müharibəsi iştirakçısı Fuad Rəcəbov çıxış edərək rayonda gənclərə göstərilən diqqət və gənclər sahəsində görülən işlərlə bağlı fikirlərini bildiriblər.
Tədbirin sonunda ayrı-ayrı sahələrdə fərqlənən bir qrup gənc Qobustan rayon İcra Hakimiyyətinin və Dağlıq Şirvan Regional Gənclər və İdman İdarəsinin Fəxri fərmanları ilə mükafatlandırılıb.
