Dekabrın 23 -ü Qax rayon Heydər Əliyev Mərkəzində Ümummilli Lider Heydər Əliyevin 100 illik yubileyi münasibətilə bilik yarışı təşkil edilib.
Təşkil olunan bilik yarışında Qax rayonunda yerləşən "Friends English Academy" kursunun müəllim və şagirdləri iştirak edib. Şagirdlərə İngilis dilindən biliklərini sınayan, müxtəlif səviyyələrdə suallar təqdim olunub.
Keçirilən yarışın qalibi Qax rayon 2 saylı məktəb liseyin şagirdi Turan Əzimli olub. Elektron resursların köməyilə təşkil edilən bilik yarışı,uşaqların fəallığı, ingilis dili biliklərinin zənginliyinə yönəlmiş bir addım olaraq, yadda qalan olub.
“İngilis dilini necə öyrənirik” devizi altında keçirilən yarışın qalibləri fəxri fərman və hədiyyələrlə təltif olunublar.
