Yevlax məktəblilərinin direktor və fənn müəllimləri ilə görüş
- - - - -
Dekabrın 6-da Mərkəzi Aran Regional Təhsil İdarəsində Yevlax rayonunun 20 ümumi təhsil müəssisəsinin direktoru və buraxılış imtahan fənlərinin müəllimləri ilə görüş keçirilib.
Görüşdə Mərkəzi Aran Regional Təhsil İdarəsinin müdiri Elçin Kərimov, müdir müavini Cavad Cavadov, struktur bölmə rəhbərləri, məktəb direktorları və fənn müəllimləri iştirak ediblər.
Görüşdə çıxış edən təhsil idarəsinin müdiri Elçin Kərimov Yevlax rayonunda fəaliyyət göstərən 20 ümumi təhsil müəssisəsinin 2022-2023-cü tədris ilində əldə etdiyi nəticələrindən və bir sıra cari məsələlərdən danışıb. Elçin Kərimov təhsilin keyfiyyətinin yaxşılaşdırılmasının əsas hədəflərdən olduğunu qeyd edib, həmçinin tədrisin təşkilində məktəb rəhbərlərinin və fənn müəllimlərinin üzərinə düşən məsuliyyətin düzgün dəyərləndirilməsinin vacibliyini vurğulayıb.
Daha sonra qarşıda duran məsələlər müzakirə olunub, suallar cavablandırılıb.
Qeyd edək ki, görüşün keçirilməsində məqsəd tədrisin keyfiyyətinin artırılmasından, tədris prosesinin düzgün idarəolunması ilə nəticəyönümlülüyün əldə olunması və ümumi təhsilin məqsədyönlü inkişafına nail olmaqdan ibarətdir.
