"Narkomaniyaya yox deyək!" mövzusunda maarifləndirici tədbir
- - - - -
Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrində "Narkomaniyaya yox deyək!" mövzusunda maarifləndirici tədbirlər keçirilir.
Keçirilən tədbirlərdə dövrümüzün ağır bəlasına çevrilən narkomaniyanın zərərlərindən, insan sağlamlığı üçün təhlükələrdən, eləcə də narkotik vasitələrə yaranan asılılıqdan və ölkəmizdə narkomanlığa qarşı aparılan mübarizə barədə məlumat bildirilib. Narkomaniyanın sağlamlıq üçün ciddi təhlükə yaratması ilə yanaşı, cinayətkarlığın artmasına təkan verən ən böyük sosial bəlaya çevrildiyi diqqətə çatdırılıb.
Qeyd edək ki, maarifləndirici tədbirlərin keçirilməsində məqsəd şagirdləri narkomaniya və psixotrop maddələrin yaratdığı problem və fəsadlar mövzusunda maarifləndirmək və onlar arasında sağlam həyat tərzini təbliğ etməkdən ibarətdir.
