Şamaxı şəhər 2 nömrəli tam orta məktəbdə "İnformatika müəllimləri üçün təlimlər” layihəsinin bağlanış tədbiri keçirilib
Tədbirdə Dağlıq Şirvan Regional Təhsil İdarəsinin müdiri Rövşən Əliyev, Yeni Azərbaycan Partiyasının Şamaxı rayon təşkilatının sədri Tural Qasımlı, Elm və Təhsil Nazirliyi Təhsilin İnformasiyalaşdırılması İdarəsinin rəis müavini Ayaz Abuşov, Təhsildə İnnovativ Texnologiyalar Əlavə Təhsil Mərkəzinin direktoru İsa Qasımov və əməkdaşları, Dağlıq Şirvan RTİ-nin əməkdaşları, peşə və ali məktəb rəhbərləri, məktəb direktorları, eləcədə informatika müəllimləri iştirak ediblər.
Qeyd edək ki, Dağlıq Şirvan RTİ-nin tabeliyində fəaliyyət göstərən ümumtəhsil müəssisələrində çalışan informatika müəllimləri arasından seçilən 30 nəfər müəllim təlim və mentorluq proqramlarına cəlb edilib. Sonda həmin müəllimlərə sertifikatlar təqdim edilib.
