Qazax-Tovuz Regional Təhsil İdarəsinin müdiri Arslan Hacıyev, idarə əməkdaşları və Şəmkir rayon ziyalılarından bir neçə nəfər qocaman müəllimlər Vahid və Kifayət Hacıyevləri ziyarət ediblər.
Görüş zamanı hər iki müəllim təhsilin bu günü və gələcəyi barədə fikirlərini, eləcə də keçmiş xatirələrini qonaqlarla bölüşüblər.
Çay masası ətrafında davam edən görüşün sonunda idarə müdiri hər iki müəllimi 5 oktyabr - #BeynəlxalqMüəllimlərGünü münasibətilə təbrik edib və möhkəm cansağlığı arzulayıb.
Qeyd edək ki, Vahid Hacıyev uzun müddət Şəmkir şəhər Morul tam orta məktəbində fizika müəllimi, daha sonra peşə məktəbində çalışıb. 1991-ci ildə "Əməkdar müəllim" fəxri adına layiq görülüb.
Kifayət Hacıyeva da həmçinin uzun müddət Şəmkir şəhər Morul tam orta məktəbində riyaziyyat müəllimi kimi fəaliyyət göstərib.
