Kürdəmirdə modul tipli məktəbin açılışı olub
- - - - -
Oktyabrın 2-də yeni tikilmiş modul tipli Kürdəmir rayonu Axtaçı kənd R.Nəsirov adına ümumi orta məktəbin açılış mərasimi keçirilib.
Tədbirdə Kürdəmir Rayon İcra Hakimiyyətinin başçısı Elxan İbrahimov, Mərkəzi Aran Regional Təhsil İdarəsinin müdiri Elçin Kərimov, struktur bölmə rəhbərləri, məktəb kollektivi, eyni zamanda məktəbin adını daşıdığı şəhid Rəşid Nəsirovun ailə üzvləri və kənd sakinləri iştirak ediblər.
Tədbirdə çıxış edən Kürdəmir RİH-nin başçısı Elxan İbrahimov bildirib ki, rayon mərkəzindən ucqarda belə bir məktəbin tikilib istifadəyə verilməsi ölkə başçısı cənab İlham Əliyevin təhsilə göstərdiyi diqqət və qayğının bariz nümunəsidir. Həmçinin, o son illər təhsilin inkişafı üzrə əhəmiyyətli işlərin görüldüyünü qeyd edib.
Çıxış edən təhsil idarəsinin müdiri Elçin Kərimov qeyd edib ki, təhsilin həm keyfiyyətinin artırılması, həm də maddi-texniki bazasının möhkəmləndirilməsi dövlətin təhsil sahə üzrə prioritet istiqamətlərindən biridir.
Daha sonra məktəb binasına baxış keçirilib.
Qeyd edək ki, yeni tikilmiş modul tipli məktəb binası 56 şagird yerlikdir. Prezident cənab İlham Əliyevin müvafiq Sərəncamı ilə tikilən modul tipli məktəbdə hazırda 39 şagirdin təlim-tərbiyəsi ilə 15 nəfər pedaqoji heyət məşğul olur.
