Kürdəmirdə idmanın Mini futbol növü üzrə gənclər arasında rayon turniri keçirilib.
Mərkəzi Aran Regional Gənclər və İdman İdarəsinin Kürdəmir rayonu üzrə Gənclər və İdman sektorunun və Kürdəmir rayon Olimpiya İdman Kompleksinin birgə təşkilatçılığı ilə 07 sentyabr 2023-cü il tarixində Kürdəmir rayon Olimpiya İdman Kompleksində “Heydər Əliyev ili”nə həsr edilmiş idmanın Mini futbol növü üzrə gənclər arasında rayon turnirinin final oyunu keçirilib.
Yarış AFFA-nın müəyyən etdiyi qaydalara əsasən keçirilib.Yarışda Kürdəmir rayonunun 14 komandası iştirak etmişdir. Turnirdə iştirak edən komandalar qrup və final mərhələlərində öz güclərini sınamışdırlar. Turnirdə keçirilmiş oyunların nəticələrinə görə I yeri “Gənclik” futbol komandası, II yeri isə “Zəfər” futbol komandası qazanıblar.
Yarışda qalib gələn komandalar təşkilatçılar tərəfindən diplomlar ilə mükafatlandırılıblar.
