24 avqust 2023-cü il tarixində Mingəçevir şəhər Ü. Hacıbəyli adına 1 nömrəli Onbirillik Musiqi Məktəbində 26 avqust - Beynəlxalq Azərbaycan Muğamı Günü münasibətilə "Muğam Azərbaycanın milli sərvətidir" başlığı altında konsert təşkil olunub.
Mingəçevir şəhərində fəaliyyət göstərən musiqi məktəblərinin və şəhər Mədəniyyət Mərkəzinin birgə təşkilatçılığı ilə həyata keçirilən tədbirdə məktəblərin müəllim və şagird heyətinin, mərkəzin əməkdaşlarının və Ulu öndər Heydər Əliyevin 100 illik yubileyinə həsr olunmuş Uşaq İncəsənət Festivalının iştirakçılarının ifasında rəngarəng muğamlar, təsniflər ifa olunub.
Tədbirdə Mərkəzi Aran Regional Mədəniyyət İdarəsinin rəhbərliyi, şəhər ictimaiyyətinin nümayəndələri və mədəniyyət müəssisələrinin əməkdaşları iştirak ediblər.
