- - - - -
İyulun 26-da Mərkəzi Aran Regional Təhsil İdarəsində strukturda olan bölmələrin rəhbərlərinin iştirakı ilə hesabat müşavirəsi keçirilib.
Görüşdə Mərkəzi Aran Regional Təhsil İdarəsinin müdiri Elçin Kərimov, müdir müavini Cavad Cavadov, struktur bölmələrin rəhbər və əməkdaşları iştirak ediblər.
Görüşdə çıxış edən təhsil idarəsinin müdiri Elçin Kərimov cari il üzrə RTİ-nin əsas hədəfləri və bu istiqamətdə görülmüş işlər barədə məlumat bildirib. Elçin Kərimov cari tədris ilində ümumtəhsil məktəblərinin IV siniflərində təşkil olunmuş monitorinqlərin nəticələri, təhsilverənlərin sertifikatlaşdırılması prosesi və eləcə də təhsil müəssisələrinin müvafiq nəticələrə görə qiymətləndirilməsi ilə bağlı məsələlər barədə danışıb.
Qeyd edək ki, müşavirənin keçirilməsində məqsəd təhsil idarənin fəaliyyəti ilə bağlı məlumatlılıq və hesabatlılığın artırılması, müvafiq istiqamətlərdə müzakirələrin aparılması olub.
Müşavirədə Mingəçevir şəhəri və Zərdab rayonu üzrə təhsil sektorlarının 1 illik fəaliyyətini əks etdirən hesabatları dinlənilib və iştirakçıları maraqlandıran suallar cavablandırılıb.
