Məşhur müğənni Özcan Dəniz İstanbulda baş tutan konserti zamanı pərəstişkarlarıını narahat edən açıqlama ilə çıxış edib.
Özcanın gözlənilməz sözləri şok effekti yaradıb və müzakirələrə səbəb olub.
"Həyat məni heç vaxt istəmədiyim yerə sürükləyir. Arzuolunmaz hadisələrin olma ehtimalı yüksəkdir. Ola bilsin ki, məni bir daha görməyəcəksiniz. 30 ildir arxamda dağ kimi dayandığınız üçün sizə sonsuz təşəkkür edirəm", - müğənni söyləyib.
Dinləyiciləri onun bu açıqlamasının mənasını başa düşməkdə çətinlik çəkiblər. Sosial şəbəkələrdə ifaçının sözlərini səhnələrə vida kimi şərh edənlərlə yanaşı, bunun intihar siqnalı ola biləcəyini iddia edənlər də olub.
Qeyd edək ki, Özcan Dəniz son zamanlar şəxsi həyatı ilə, xüsusilə də qardaşı ilə yaşadıqları problemlərlə gündəmi məşğul edir.
