Albaniyada süni intellektlə işləyən model dövlət satınalmalarına cavabdeh olan "süni intellekt naziri" kimi istifadə olunacaq. Modelin adı "Diella" olacaq.
"Diella" fiziki olaraq mövcud olmayan, lakin hökumətin faktiki olaraq süni intellekt əsasında hazırlanmış ilk üzvüdür", - deyə Albaniyanın Baş naziri Edi Rama bildirib.
Baş nazirin sözlərinə görə, "100% korrupsiyasız" dövlət satınalma sistemi yaratmaq üçün dövlət tenderləri ilə bağlı qərarlar süni intellekt modelinə veriləcək.
"Diella" modeli artıq əksər dövlət xidmətlərinə çıxışı təmin edən "e-Albania" dövlət rəqəmsal platformasının işində istifadə olunur.
