ABŞ-nin Corciya ştatında yerləşən Oglethorpe Universiteti 1940-cı ildə xüsusi bir zaman kapsulu hazırlayıb.
“Mədəniyyətin Mahzeni” adlanan bu kapsul 8113-cü ildə açılacaq. Məqsəd bugünkü bilik və mədəniyyəti gələcək insanlara çatdırmaqdır. Kapsul firon məzarına bənzər şəkildə tikilib. İçində caz musiqi yazıları, köhnə filmlər, 100 kitabın mikrofilmi, Donald Duck fiquru və bütün əşyaların izah edildiyi bir dəftər var.
Layihəni Dr. Thornwell Jacobs hazırlayıb. O, gələcəkdə dil maneəsi ola biləcəyini düşünüb və bu səbəbdən “dil inteqratoru” adlı cihaz düzəldib. Bu cihaz şəkilləri və adlarını səsli oxuya bilir.
8113-cü ilin seçilməsi də təsadüfi deyil. Bu tarix Misir təqviminin başlanğıcı ilə kapsulun bağlandığı ilin ortası kimi hesablanıb.
