Milyarder İlon Maskın rəhbərlik etdiyi ABŞ Hökumətin Effektivliyi Departamenti (DOGE) yaxın aylarda Vaşinqtonda Federal Ticarət Komissiyasının (FTC) əməkdaşlarının əvvəllər ABŞ Beynəlxalq İnkişaf Agentliyinin (USAID) sərəncamında olan binalara köçürülməsi barədə göstəriş verib.
Bu barədə "Bloomberg" mənbələrə istinadən məlumat yayıb.
Qeyd edək ki, fevralın əvvəlində ABŞ-ın Vaşinqtondakı mənzil-qərargahının lövhələrinin götürüldüyü və girişin bağlandığı bildirilib. Agentlik daha sonra işdən çıxarılan işçilərinə mərkəzi ofisdən şəxsi əşyalarını toplamaq imkanı verildiyini, lakin bunun üçün cəmi 15 dəqiqə vaxt ayrıldığını bildirib.
"Vaşinqtonda Federal Ticarət Komissiyasının əməkdaşlarına bildirilib ki, onlar yaxın aylarda hazırkı ofislərini tərk etməli və USAİD tərəfindən boşaldılan binaya köçməlidirlər", - agentlik mənbədən sitat gətirir.
Gözlənilməz sifarişin DOGE-dən gəldiyi bildirilir.
Məlumata görə, agentliyin beş komissarı və yüksək səviyyəli rəhbərlərinin yerləşdiyi FTC-nin qərargahı USAİD-in binasından bir neçə məhəllə aralıda yerləşən başqa bir hökumət binasındadır. Qeyd olunur ki, agentliyin 1300 əməkdaşının əksəriyyəti Vaşinqtonda bir binada işləyir və bu bina da bir neçə digər federal qurumlara yer icarəyə verir.
