“Bəxt üzüyü”ndə canlandırdığı Hüseyn rolundan sonra məşhurlaşan Əməkdar artist Ayşad Məmmədov baba olub.
Publika.az xəbər verir ki, bu barədə 64 yaşlı aktyorun oğlu Harun Məmmədov məlumat verib. O, ata olmaq sevincini izləyiciləri ilə paylaşıb:
“Junior Harun, Zeyd xoş gəldin. Dostlar, inanın özün uşaq ruhlu olub qucağına uşaq götürmək necə qəribə hisslərdi. Rəbbim əməli saleh qullarından etsin. Bu gün yeni bir möcüzəyə şahid olduq. Bu gözəl nemət üçün sonsuz şükürlər olsun. Hələ də qəribə gəlir Harun ata oldu... Rəbbim arzusunda olan hər kəsə sağlam övlad nəsib etsin. Xanımıma minnətdaram belə gözəl neməti qucağıma götürməyə vəsilə oldu. Axır ki, mənə də üzə smaylik atmağı məcbur etdilər”.
Məlumat üçün bildirək ki, Harun Məmmədov video bloger kimi tanınır.
