Bu gündən etibarən Bakı-Sumqayıt üzrə marşrut xətti tam bərpa edilib.
Bu barədə açıqlamasında Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova bildirib.
Onun sözlərinə görə, karantin rejiminin sərtləşdirilməsi və sərnişin azlığı ilə əlaqədar olaraq Bakı-Sumqayıt xəttinə 20 avtobus buraxılırdı. “Amma karantin rejiminin yumşaldılmasından və bir çox yerlərdə iş yerlərinin bərpasından sonra sərnişin sayı artıb. Sərnişin axınının sıxlığını nəzərə alaraq adi vaxtda olduğu kimi xəttə hərəkət edən bütün 33 avtobus xəttə buraxılıb. Artıq sərnişinlərə Bakı və Sumqayıt istiqamətində rahata hərəkət edə biləcəklər”.
