Avropa Şurasının Bakıdakı ofisinin rəhbəri Zoltan Hernyes Azərbaycanın qurumdan çıxma ehtimalına münasibət bildirib.
"Ölkə.Az"-ın məlumatına görə, diplomat bunun mümkün olmadığını deyib.
Zoltan Hernyes qeyd edib ki, Azərbaycan Avropa Şurasının tamhüquqlu üzvüdür:
"Rəsmi Bakı Avropa institutlarının işində tam iştirak edir. Hazırda iki tərəf arasında müxtəlif səviyyələrdə, parlamentlər, Nazirlər Kabineti arasında dialoqlar aparılır".
Onun sözlərinə görə, bəzi məsələlər bu əməkdaşlığa problem yaradır:
"Bunlar gələn ayın sonuna həll edilə bilər".
