“Facebook” sosial şəbəkəsinə yaxınlıqda “Wi-Fi” şəbəkəsi olduğunu göstərən yeni funksiya əlavə olunur. Şirkət rəsmilərinin sözlərinə görə, bu hələ ki, iPhone və Android əməliyyat sistemlərinə malik telefonlarda mümkün olacaq.
Virtualaz.org RİA “Novosti”yə istinadən xəbər verir ki, bu barədə şirkət rəsmiləri məlumat verib.
“Wi-Fi axtar” funksiyası dünyanın bir neçə ölkəsində sınaqdan keçirilib. Məlum olub ki, bu mobil rabitə üzərindən internetin zəif olduğu yerlərdə olduqca gərəklidir”, - deyə mənbə bildirir.
Bu funksiya xəritədə və ya siyahıda ən yaxın şirkət və təşkilatlarda mümkün simsiz rabitənin mövcudluğu göstərir. Yeni funksiya menyu bəndində əlavədə yerləşdiriləcək.
