Bərdə rayonunda baş verən ana ölümü ilə bağlı cinayət işi başlanılıb.
Bu barədə "Ölkə.Az"a Prokurorluqdan məlumat verilib.
Məlumatda bildirilir ki, baş vermiş ölüm hadisəsi ilə bağlı Prokurorluqda Cinayət Məcəlləsinin 124-cü (ehtiyatsızlıqdan adam öldürmə) maddəsi ilə cinayət işi başlanılıb, istintaq aparılır.
Qeyd edək ki, dekabrın 19-da Bərdə rayonu, Həsənqaya kənd sakini, 1986-cı il təvəllüdlü Əliyeva Könül Kamil qızı Bərdə Rayon Mərkəzi Xəstəxanasının doğum şöbəsində doğuş zamanı ölüb.
