Hondurasda futbol matçında dava - 4 nəfər öldü

Hondurasda “Olimpiya” – “Motaqua”matçından öncə xoşagəlməz hallar yaşanıb. “Qafqazinfo” xəbər verir ki, “Olimpiya” klubunun azarkeşləri qarşılaşmadan öncə daşlarla rəqib komandanın avtobusuna hücum ediblər.

Nəticədə “Motaqua”nın 3 futbolçusu ağır yaralanıb. Bu səbəbdən qarşılaşma təxirə salınıb. Lakin stadiona toplaşan azarkeşlər matçın oynanılmamasına baxmayaraq bir-birlərinə hücumlara davam ediblər. Nəticədə 4 nəfər həyatını itirib. 10 nəfər isə ağır yaralanıb.

Polis gözyaşardıcı qazlarla aranı sakitləşdirə bildi.