Yevlax şəhər 1 nömrəli Uşaq Musiqi Məktəbində Azərbaycan Respublikasının Xalq artisti, bəstəkar Emin Sabitoğlunun həyat və yaradıclığına həsr edilmiş “Emin Sabitoğlunun həyat və yaradıcığına səyahət” adlı tədbir təşkil edilib.
Çıxış edənlər bəstəkarın yaradıcılığında toxunaraq qeyd ediblər ki, Azərbaycan musiqisi tarixində layiqli iz qoyub getmiş Emin Sabit oğlu Mahmudov milli bəstəkarlıq məktəbinin layiqli nümayəndələrindən biridir. Xalq artisti, Dövlət mükafatı laureatı, “Şöhrət” ordenli bəstəkarın kino və tamaşalarda səslənən musiqiləri dillər əzbəridir, ayrı-ayrı müğənnilərin repertuarında geniş yer tutur. O, 600-dən çox mahnının, 9 musiqili komediyanın, 40-a yaxın filmdəki musiqilərin müəllifidir. Emin Sabitoğlunun kino musiqiləri , bədii komponentlərin dəyərli vasitəsi kimi həmişə milli kinomuza zənginlik gətirir.
Konsert proqramı ilə davam etdirilən tədbirdə məktəbin müəllim kollektivinin təqdimatında bəstakarın dillər əzbəri olan musiqiləri səsləndirilib. Emin Sabitoğlu musiqisi tamaşaçılara emosional təsir bağışlayaraq onlarda xoş ovqat yaradıb.