Son 5 ildə RFO-da şagirdləri qalib olan müəllimlərlə görüş keçirilib
- - - - -
Oktyabrın 13-də Mərkəzi Aran Regional Təhsil İdarəsində tabelikdə olan ümumi təhsil müəssisələrində son 5 ildə Respublika Fənn Olimpiadalarında şagirdləri qalib olan fənn müəllimləri ilə görüş keçirilib.
Görüşdə Mərkəzi Aran Regional Təhsil İdarəsinin müdiri Elçin Kərimov, müdir müavini Cavad Cavadov, struktur bölmə rəhbərləri, məktəb direktorları və müəllimlər iştirak ediblər.
Çıxış edən təhsil idarəsinin müdiri Elçin Kərimov ilk olaraq uğur qazanan müəllimləri təbrik edərək onlara fəaliyyətlərində uğurlar arzulayıb. İdarə müdiri son dövrlərdə təşkil olunan fənn olimpiadalarında daha çox məktəblinin iştirak etdiyini və bu prosesin artıq olimpiada hərəkatına çevrildiyini, eləcə də hər il təşkil olunan olimpiadalarda uğurlu nəticələrin əldə edildiyini bildirib.
Elçin Kərimov bu tədris ilində şəhər və rayonlarda olimpiada mərkəzlərinin fəaliyyətə başlayacağını, həmçinin istedadlı müəllim və şagirdlərin həmin prosesə cəlb olunacağını vurğulayıb.
O qeyd edib ki, olimpiadaların təşkilində məqsəd istedadlı şagirdlərin aşkar edilməsi, onlarda fənlərin dərindən öyrənilməsinə marağın artırılması, bilik və bacarığı, eləcə də çalışqanlığı ilə seçilən şagirdlərin qiymətləndirilməsindən ibarətdir.
Daha sonra onların sualları cavablandırılıb, təkliflər dinlənilib, ümumi müzakirələr aparılıb.
#MərkəziAranRTİ #MərkəziAranRTİEduAz #ÜmumiTəhsil #RFO #Olimpiada