Bratislava şəhərində keçirilən “Real Fight Arena” (RFA) üzrə qaydasız döyüş çempionatında Qarışıq Döyüş Sənəti (MMA) üzrə peşəkar idmançı Yüksəl İbrahimov böyük uğur qazanıb.
Həmyerlimiz slovakiyalı rəqibini 36-cı saniyədə boğucu fəndlə məğlub edərək qələbəyə nail olub. O, qələbəsinin elan edilməsi zamanı Azərbaycan bayrağını dalğalandırıb.
Yüksəl İbrahimov 22 iyun 1995-ci ildə Azərbaycanın Tovuz şəhərində anadan olub. Peşəkar K-1 və MMA döyüşçüsüdür. 2019-cu ildən etibarən Slovakiyada qaydasız döyüş, boksinq və kikboksinq üzrə dərs deyir. Eyni zamanda K-1 və MMA üzrə yarışlarda iştirak edir.
Diasporla İş üzrə Dövlət Komitəsi parlaq qələbəsi və Azərbaycan bayrağını ucalara yüksəltməsi münasibətilə vətənsevər idmançımızı təbrik edir, gələcək karyerasında daha böyük uğurlara nail olmasını arzulayır.
