Antinarkotik təbliğatı çərçivəsində Biləsuvar Rayon Polis Şöbəsinin əməkdaşları tərəfindən şagirdlərlə növbəti görüş Xırmandalı kənd 1 nömrəli tam orta məktəbdə keçirilib. Çıxış edən Biləsuvar RPŞ-nin şəxsi heyətlə iş üzrə rəis köməkçisi, polis mayoru Pərviz Məmmədov narkotik vasitələrin, psixotrop maddələrin və digər zərərli vərdişlərin fəsadlarından, gənc nəslin sağlamlığı üçün yaratdığı təhlükələrdən danışıb. Narkomaniyanın cəmiyyətin mənəvi və əxlaqi dəyərlərinə ciddi zərbə vurduğu, insanların həyat və sağlamlığına böyük təhlükə yaradan əsas amillərdən biri olduğunu diqqətə çatdırıb..
Daha sonra müzakirə olunan mövzu ilə əlaqədar videoçarx nümayiş olunub və məktəbliləri maraqlandıran suallar cavablandırılıb.
