veten informasiya agentliyi

Könül Nurullayeva: “Azərbaycan Qlobal Bakı Forumunda sülhə töhfə verən güc kimi öz mövqeyini nümayiş etdirir”

Tarix:18-06-2022, 17:07
Baxış Sayı:18

Könül Nurullayeva: “Azərbaycan Qlobal Bakı Forumunda sülhə töhfə verən güc kimi öz mövqeyini nümayiş etdirir”

Qlobal Bakı Forumunun bu dəfəki müzakirələrinin “Qlobal dünya nizamına təhdidlər” mövzusuna həsr olunması təsadüfi deyil. Dünyanın nüfuzlu siyasətçiləri məhz Bakıda təşkil olunan beynəlxalq platformada sülh və təhlükəsizliyin təmin edilməsi, münaqişələrin həlli yollarının tapılması ilə bağlı fikir mübadiləsi aparmaqla bu prosesə töhfə verməyə çalışır. Forumda qlobal sülhə nail olmaq üçün dialoqun qurulması, mövcud müharibələrin qarşısının alınması və gələcəkdə onlardan yayınmaq yolları, çoxqütblü dünya nizamının dəyərlərinin təşviqi və digər mühüm mövzularda səmərəli müzakirələr aparılır. Təbii ki, Azərbaycan bu platformaya ev sahibliyi etməklə yanaşı həm də qlobal sülhə töhfə verən güc kimi öz mövqeyini nümayiş etdirir. Xüsusilə Qarabağ probleminin həllindən sonra yaranmış sülh imkanlarının dəyərləndirilməsi istiqamətində konkret addımlar atılmaqdadır. Bakı bu istiqamətdə Ermənistandan da praktik addımlar gözləyir. Biz 30 illik işğalın nəticələrinə baxmayaraq, yenə sülhü seçirik. Çünki​ sülh bütövlükdə bizim regionumuza lazımdır. Forumun açılışında Prezident İlham Əliyevin də söylədiyi kimi,​ “Nə üçün biz sülhü seçdik? Çünki biz Cənubi Qafqazda sabit, dayanıqlı inkişafı görmək istəyirik. Bu, nadir fürsətdir. Cənubi Qafqaz üç Cənubi Qafqaz ölkəsinin müstəqillik illəri ərzində parçalanmışdır. Ermənistanın işğalı səbəbindən o, 30 il ərzində parçalanmışdır. İndi sülh, əməkdaşlıq yaratmaq vaxtıdır və Azərbaycan bunun üzərində çalışır.”

Təbii ki, Zəngəzur dəhlizi sülhün fundamental elementidir və bu məsələ ilə bağlı forum iştirakçılarının da diqqətinə çatdırıldı ki, əgər bizə bu əlaqə yolu təqdim edilməyəcəksə, sülh haqqında danışmaq çətin olacaq. Bu, əslində şərtdən daha çox reallıqdır. Azərbaycanın qalib ölkə kimi bunu tələb etməyə haqqı var.

Qlobal Bakı Forumunda yarıtmaz Minsk Qrupunun gələcək fəaliyyətilə bağlı Azərbaycanın mövqeyi bir daha bıəyan olundu. Reallıq budur ki, Minsk qrupunun üç həmsədr ölkəsi bir araya gələ bilməz və biz bununla bağlı artıq mesajlar almışıq – bu qrupun həmsədrlik institutu fəaliyyət göstərməyəcək. Dövlət başçımız “Bunun ən yaxşı yolu Minsk qrupuna əlvida deməkdir. Təşəkkür edirik və əlvida deyil, yalnız əlvida demək olar. Yəni, 30 il kifayətdir, təqaüdə çıxmaq vaxtıdır” Qlobal Forumun tribunasından bəyan etdi. Bu məsələdə də rəsmi Bakı haqlıdır. Çünki nəinki Azərbaycan, heç bir ölkə bu cür yarıtmaz fəaliyyətlə barışa bilməz.

Bütövlükdə götürdükdə dünyada təhlükəsizliyin və sülhün təmin olunması, kommunikasiyaların inkişaf etdirilməsilə bağlı Bakı Forumunda səslənən çağırış və mesajlar perspektivdə vacib qərarların qəbul edilməsinə əlverişli imkan yaradacaq. Bu mənada bu platformada aparılan müzakirələri daha təhlükəsiz dünya naminə atılan addım kimi dəyərləndirmək olar.

Məşğulluq xidmətlərinin təkmilləşdirilməsi üçün beynəlxalq təcrübə öyrənilir
Məşğulluq xidmətlərinin təkmilləşdirilməsi üçün beynəlxalq təcrübə öyrənilir
Polis əməkdaşlarının keçirdikləri əməliyyat tədbirləri
Polis əməkdaşlarının keçirdikləri əməliyyat tədbirləri
Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat tədbirləri
Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat tədbirləri
DIN-nin keçirdiyi əməliyyatlar
DIN-nin keçirdiyi əməliyyatlar
Zərərvericilər və pestisidlərin idarə edilməsinə dair silsilə tədbirlər həyata keçirilib
Zərərvericilər və pestisidlərin idarə edilməsinə dair silsilə tədbirlər həyata keçirilib
Könül Nurullayeva: “Azərbaycan Qoşulmama Hərəkatının beynəlxalq arenada daha fəal rol oynamaq üçün platformaya çevrilməsini istəyir”
Könül Nurullayeva: “Azərbaycan Qoşulmama Hərəkatının beynəlxalq arenada daha fəal rol oynamaq üçün platformaya çevrilməsini istəyir”
İlahiyyat İnstitutunda antinarkotik dünyagörüşünün formalaşması məqsədilə seminar təşkil olunub
İlahiyyat İnstitutunda antinarkotik dünyagörüşünün formalaşması məqsədilə seminar təşkil olunub
Abituriyentlər üçün “İxtisas bələdçisi” forumu keçiriləcək
Abituriyentlər üçün “İxtisas bələdçisi” forumu keçiriləcək