İsmayıllı şəhər İƏD üzrə nümayəndə Əlişir Süleymanovun göstərişinə əsasən İsmayıllı şəhərində yerləşən körpələr evi-uşaq bağçalarında müvafiq sanitar-gigiyenik normalara və xüsusi karantin rejiminin tələblərinə əməl edilməklə dezinfeksiya işləri aparılıb.
Məktəbəqədər təhsil müəssisələrinin həyətləri, yataq, oyun, mətbəxləri və digər otaqları təmizlənib. Otaqların havalandırılması və təlimata uyğun dezinfeksiyası üçün tədbirlər həyata keçirilib.
Bundan əlavə bağçalar xüsusi dezinfeksiyaedici məhlullarla təmin olunub.
İsmayıllı şəhər İnzibati Ərazi Dairəsi üzrə nümayəndəliyi bütün bağçalarda tam dezinfeksiya işlərinin aparılmasını nəzarətdə saxlayır.
