Kəpəz RPİ-yə müraciət edən Gəncə şəhər sakini T.Əsilbəyova martın 18-də saat 2 radələrində şəhər ərazisində bir nəfərin ona zor tətbiq edərək içərisində 205 manat pul, 2178 manat dəyərində mobil telefon və sənəd olan çantasını aldığını bildirmişdir.
Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Gəncə şəhər sakini E.Quliyev müəyyən edilərək saxlanılmışdır.
Araşdırma aparılır.
*
Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Qəbələ rayon sakini N.Babayeva Sabunçu rayonu ərazisində saxlanılmışdır. Şəxsi axtarış zamanı üzərindən 5 qram heroin, kirayədə yaşadığı mənzildən isə 3 kiloqram 470 qram heroin, 500 ədəd metadon həbi və 1 ədəd elektron tərəzi aşkar edilərək götürülmüşdür.
*
Abşeron RPİ əməkdaşlarının keçirdikləri əməliyyat-axtarış tədbirləri nəticəsində Xırdalan şəhər sakini C.Məmmədovdan nömrəsi silinmiş “AKM” markalı avtomat, 2 ədəd patron darağı, 43 ədəd müxtəlif çaplı patron və 1 ədəd giliz götürülmüşdür.
*
Salyan RPŞ əməkdaşlarının keçirdikləri əməliyyat-axtarış tədbirləri nəticəsində martın 6-da şəhər ərazisindəki evlərin birindən 6550 ABŞ dolları və 2800 manat pul oğurlamaqda şübhəli bilinən zərərçəkənin qohumu E.Hüseynov müəyyən edilərək saxlanılmışdır.
*
Biləsuvar RPŞ və Dövlət Sərhəd Xidməti əməkdaşlarının birgə keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən əcnəbi vətəndaş Ə.Rüstəmi saxlanılmışdır. Şəxsi axtarış zamanı ondan 5 kiloqram 680 qram heroin, 2 kiloqram 785 qram metamfetamin, 145 qramdan artıq tiryək və 7 qramdan artıq metadon həbi götürülmüşdür.
Faktla əlaqədar Cinayət Məcəlləsinin 234-cü və 318-ci maddələri ilə cinayət işi başlanmışdır.