veten informasiya agentliyi

Vətən müharibəsi aparan bir dövlətdə arxa cəbhə sağlam olmalidir

Tarix:3-11-2020, 13:48
Baxış Sayı:57

Vətən müharibəsi aparan bir dövlətdə arxa cəbhə sağlam olmalidir

Anar MƏMMƏDOV
Milli Məclisin deputatı


“Artıq bu ilin onuncu ayı COVID-19 pandemiyası ilə qlobal səviyyədə mübarizə aparmaqla başa çatır. Dünyada koronavirus infeksiyasına yoluxanların sayı 45 milyonu ötüb. Lakin hələ də infeksiyanın sürətlə yayılmasının qarşısını tam almaq mümkün olmayıb. Əksinə, virus daha da aqressiv şəkildə dünyanı ağuşuna almağa davam edir.”

Aylardır dünyanın əsas müzakirə mövzusu olan koronavirus epidemiyası ilə bağlı vəziyyət Azərbaycanda da ciddi nəzarət altındadır: “Belə ki, bu virusun yayılmasının qarşısının alınması və profilaktikası ilə bağlı bütün lazımi tədbirlər görülür. Azərbaycanda koronavirusla bağlı vəziyyətin pisləşməməsi üçün dövlət tərəfindən hər cür imkanlar səfərbər edilib, mümkün effektiv və zəruri tədbirlər ardıcıllıqla, planlı şəkildə həyata keçirilib. Birbaşa ölkə Prezidentinin rəhbərliyi və ciddi nəzarəti altında pandemiyaya qarşı həyata keçirilən məqsədyönlü və operativ tədbirlər infeksiyanın yayılmasını mümkün qədər məhdudlaşdırmağa, sanitar-epidemioloji vəziyyəti nəzarətdə saxlamağa imkan verib, kütləvi yoluxmanın qarşısını alıb. Lakin təəssüf ki, son həftələr bütün ölkələrdə olduğu kimi, Azərbaycanda da COVID-19-a gündəlik yoluxma və ölüm halları artıb, sanitar-epidemioloji durum pisləşib.”

Milli Məclisin deputatı qeyd edib ki, COVID-19-a yoluxma hallarının kütləviləşməsi hazırki müharibə dövründə bütün cəmiyyətimiz, xüsusilə də döyüş meydanında düşmənlə ölüm-dirim savaşına çıxan hərbçilərimiz üçün ciddi təhlükədir: “Vətənimizin bu ağır dövründə özümüzü xəstəliklərdən qorumaqla ön cəbhədə döyüşən hərbçiləri də xəstəliklərdən qorumuş olarıq. Unutmaq olmaz ki, bu gün biz iki səngərdə mübarizə aparırıq. Şanlı ordumuz hər gün mənfur düşməni öz silahı ilə zərərsizləşdirdiyi bir zamanda, gözə görünməyən koronavirus infeksiyası cəmiyyət arasında sürətlə yayılmaqda davam edir. Belə olan təqdirdə isə yoluxma sayının minimumlaşdırılması üçün pandemiya qaydalarına əməl etməyimiz indiki durumda daha çox vacibdir. Məlum məsələdir ki, yaralı əsgərlərimizin müalicəsi üçün boş çarpayılara və həkimlərə ehtiyac var. Yoluxma sayı artdıqca yaralılarımıza baxan həkim və çarpayı yeri azalır. Ona görə də koronavirusla mübarizədə fəal olmaq, xüsusi karantin rejiminin qaydalarına riayət etmək həm də cəbhədə döyüşən əsgərlərimizin sağlamlığı üçün önəmlidir.”

A.Məmmədov vurğulayıb ki, bu gün orduya dəstək vermək istəyən hər bir vətəndaş ilk növbədə əsgər və zabitlərimizin sağlamlığı haqqında düşünməli, özünü və yaxınlarını xəstəlikdən qorumaqla haqq işimizə layiqli töhfəsini verməlidir: “Yaddan çıxartmamalıyıq ki, bu virus cəbhə tanımır, çox asanlıqla ön cəbhəyə keçə və bizim uğurlu işimizə problem yarada bilər. Buna görə də bütün resursları cəbhəyə yönəltmək üçün əlimizdə olan silahdan maksimum şəkildə düzgün istifadə etməliyik: maska taxmalı, sadə gigiyena qaydalarına riayət etməli və sosial məsafəni gözləməliyik. Cənab Prezidentin də dediyi kimi biz xalq olaraq BİRLİK, HƏMRƏYLİK nümayiş etdirməliyik.”

Deputatdan növbəti onlayn qəbul
Deputatdan növbəti onlayn qəbul
AzTU-nun 70 illiyinə həsr olunan konfrans keçirilib
AzTU-nun 70 illiyinə həsr olunan konfrans keçirilib
Azərbaycanda pambıq yığımında növbəti rekord göstərici qeydə alınıb – OPERATİV MƏLUMAT
Azərbaycanda pambıq yığımında növbəti rekord göstərici qeydə alınıb – OPERATİV MƏLUMAT
“İşğaldan azad olunmuş ərazilərdə aqrar sahənin inkişaf perspektivləri” mövzusunda elmi-praktik konfrans
“İşğaldan azad olunmuş ərazilərdə aqrar sahənin inkişaf perspektivləri” mövzusunda elmi-praktik konfrans
Miqrasiya Könüllüləri Ali Baş Komandana müraciət etdilər
Miqrasiya Könüllüləri  Ali Baş Komandana müraciət etdilər
AzTU ilə Yunus Emre İnstitutu arasında əməkdaşlıq protokolu imzalanıb
AzTU ilə Yunus Emre İnstitutu arasında əməkdaşlıq protokolu imzalanıb
Azərbaycan İlahiyyat İnstitutunda psixoloqla tələbələrin onlayn görüşü keçirilib
Azərbaycan İlahiyyat İnstitutunda psixoloqla tələbələrin onlayn görüşü keçirilib
Bu günə qədər 3000-ə yaxın vətəndaş mineral gübrələrin səyyar satış xidmətindən yararlanıb
Bu günə qədər 3000-ə yaxın vətəndaş mineral gübrələrin səyyar satış xidmətindən yararlanıb